Një 27 vjeçar është arrestuar dhe një tjetër është shpallur në kërkim pasi akuzohen se kanë vendosur lëndë plasëse në banesën e një shtetasi tjetër.
“U vu në pranga shtetasi O. Ç., 27 vjeç, dhe po punohet për kapjen e bashkëpunëtorit të tij, shtetasit A. D., 27 vjeç, të cilët dyshohet se kanë vënë lëndë plasëse në banesën e shtetasit E. A”,- njofton Policia.
Ndërkohë njoftohet gjithashtu se ka nisur procedimi në gjendje të lirë për dy shtetas të tjerë, pasi gjatë kontrollit në banesë u janë gjetur municion luftarak.
“U proceduan penalisht në gjendje të lirë shtetasit P. S., banues në Fushë Krujë, dhe A. C., banues në Fushë-Prezë.
Policia, në kontrollet e banesave të këtyre të fundit, gjeti sasi municioni luftarak, që u sekuestrua në cilësinë e provës materiale, së bashku me veshje që autorët e dyshuar kanë përdorur gjatë ngjarjes, një automjet dhe 5 celuarë”,- thuhet në njoftimin e Policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Tiranë.
