Nënkryetar i Partisë Demokratike, Luçiano Boçi, deklaroi pasditen e sotme se SPAK vepron bazuar në udhëzimet që jep Kryeministri Edi Rama.
Në një intervistë për SYRI TV, Boçi u shpreh se qëllimi i SPAK është të mbajë nën presion opozitës dhe në radhët e mazhorancëz godet nivelet e mesme të drejtimit, madje nuk guxon të përmendë emrin e kryebashkiakut Veliaj në rastin e inceneratorit të Tiranës.
Boçi: Në rastin e z. Berisha, liderit të opozitës, SPAK dhe GJKKO nuk marrin në konsideratë faktet dhe provat në raport me hetimin, madje as duan të shohin, thjesht zbatojnë atë urdhërin politik dhe duan të djegin mandatin e tij. E njëjta metodë dhe mënyrë po përdoret ndaj Ilir Metës, kreut të PL-së. Pra qëllimi i SPAK është të mbajë nën presion opozitën, ndërsa në krahun tjetër po ruan atë pamjen e tij. Ka një fakt tronditës, sapo SPAK është krijuar nuk ka parandalim të korrupsionit, por kemi korrupsion galopant.
Në rradhët e mazhorancës SPAK goget nivelet e mesme të drejtimit, madje nuk guxon të përmendë emrin e Erion Veliajt në rastin e inceneratorit të Tiranës.
