Në emisionin “Të Paekspozuarit” , është diskutuar për SPAK dhe hetimet që aktualisht po kryhen ndaj liderëve të opozitës.
Gjatë emisionit ka patur një debat mes Andi Bushatit dhe Neritan Sejaminit, për faktin që SPAK nuk u shkon çështjeve deri në fund, te koka e aferës, kur bëhet fjalë për eksponentët e lartë të mazhorancës.
Debati:
Neritan Sejamini: Nëse presim drejtësi absolute, ky është naivitet. Reforma u bë në mënyrë diletante dhe dihej që do të prodhonte probleme të mëdha. E kam të vështirë të besoj se ka një oaz njerëzish dhe luftëtar të drejtësisë, kur e gjithë Shqipëria është korruptuar. Pritshmëria që kemi nga SPAK, është absurde. Duhet të çlirohemi nga kjo nevojë dhe dëshirë që ta kryqëzojmë SPAK-un. SPAK ka problemet e veta. Hetimet që ka bërë janë me frymëzim politik. Për rastin CEZ-DIA, ka patur skema edhe më të mëdha, nga biznementë të mëdhenj, që kanë abuzuar njësoj dhe nëse SPAK do të trajtonte këtë problem, duhet të hetonte edhe këto kompanitë e tjera. Pra është hetim i njëanshëm dhe i ndikuar politikisht. Çështja është, si i bëhet këtu ku jemi ne? Ata njerëzit e SPAK kanë problemet e tyre, frikërat e tyre, kufizime dhe presionet e tyre. Problemi i opozitës është që nuk ngjall shpresë për të nesërmen. Po të kishim opozitë të fortë që ngjall shpresë, SPAK merr më shumë kurajo. Çfarë i mendojmë ne këta të SPAK-ut, heronj dhe kaubojs? Qasja e opzoitës me sulme personale, është kundër produktive.
Andi Bushati: E filloi SPAK dy standartet, pastaj u sulmua nga opozita. Opozita ishte e detyruar të sulmonte kur pa që këta u bënë aktorë dhe tifozë të njërës palë.
Neritan Sejamini: A është qasja më e mirë kjo që bën opozita duke sulmuar kryetarin e SPAK?
Andi Bushati: Është qasje e detyruar sepse SPAK e deklaroi veten si pjesë e lojës politike. Kur SPAK nuk hetoi PS-në por Lapsi.al, opozita e mbylli gojën sepse akoma kishte shpresë se SPAK nuk ishte i Edi Ramës por ishte i amerikaneve. Kur pa që bëheshin skandalet sheshit dhe njëra palë vidhte dhe pala tjetër përfundonte në burgim, ishte e detyruar ta denonconte. E denoncoi sepse nuk kishte rrugë tjetër.
Neritan Sejamini: Ne konceptin e drejtësisë e kemi primitv. Drejtësia është gjykata jo prokurori. Edhe për rastin e Veliajt nuk e dimë a do ta marrë nën akuzë Veliajn dhe do të ngrejë apo jo akuzë ndaj Veliajt. Është ok që SPAK ti bëhet presion për të hetuar Veliajn dhe aferat e tjera që dyshohet se kanë ndodhur. Do ta denoncojmë SPAK-un, apo do ti japim mbështetje?
Andi Bushati: Nuk bëhet llogari me të vërtetën që mos e themi deri në fund… E vërteta ku unë besoj, është që SPAK po sillet si vegël e Edi Ramës.
Neritan Sejamini: Ne mund ta kritikojmë SPAK-un, por po flasim për politikanët dhe personat nën hetim. Po, një shpjegim është që SPAK e ka kapur Edi Rama. Por një shpjegim është që po ta mbështeism SPAK dhe të bëjmë presion, mund të arrijë te Erion Veliaj. Duke i thënë SPAK që jeni të kapur, SPAK ka vdekur.
Andi Bushati: Fatkeqësisht SPAK ka vdekur. Ky sulmi i Metës dhe Berishës, pati një avantazh, tregoi fytyrat e ambasadave. Kur e sulmoi Meta SPAK-un, u hodhën ambasadat si grenza. Kur e sulmoi Rama për Portin e Limanit, e futën ambasadorët kokën si struci. E kuptoni sa qesharake është?
Neritan Sejamini: Kjo nuk është qesharake por politika reale. SPAK ka probleme serioze, është i ndikuar politikisht, ka treguar mungesë standartesh, por ky SPAK përshembull hapi hetim për drejtorët e bashkisë pa patur asnjë presion publik.
Andi Bushati: Pra ti thua që këta e kanë bërë mutin mullar, po ti japim mundësi që të rehabilitohen?! Ndërkohë ata janë kamikazët e Rilindjes.
Neritan Sejamini: Pra ti thua te kjo e 5D, nëse nuk arrestohet Veliaj, të mos hetohen as drejtorët?
Andi Bushati: Unë them merr një çështje dhe shkoji deri në fund për të gjetur të vërtetën. Kush i ka bërë inceneratorët? Kush e ka bërë skemën e vjedhjes në Bashki? Nëse del që i kanë bërë cironkat, as SKAP nuk je.
Neritan Sejamini: Drejtësia penale nuk zbulon të vërtetën, por fajtorët.
