Kryetari i Partisë së Lirisë, Ilir Meta, në një konferencë për shtyp, ka zbuluar strukturën që PL pritet të mbajë pas Konventës së 27 prillit.
Meta ka bërë të ditur se me organizimin e ri të kësaj force politike, s’do të ketë më kryetar, por do të drejtohet nga një president. Më tej ai deklaroi se do të kandidojë në Konventën e Partisë së Lirisë për t’u zgjedhur si President i kësaj force politike.
Meta tha se kjo forcë politike do të këtë dhe një zv.presidentete dhe ajo do të jetë Erisa Xhixho. Ndërsa për postin e Sekretarit të Përgjithshëm ka propozuar Tedi Blushin.
“Kjo parti nuk do të ketë vetëm një zv.president. Ndaj jam këtu do të jetë zv.presidente dhe e vetmja kandidatë është Erisa Xhixho, që e njohin të gjithë të rinjtë e të reja. Është e papërtueshme, bën edhe shumë detyra që nuk i bën Tedi sepse i bën e shoqja e Tedit. Ajo do të vazhdojë të shkëlqejë me të gjitha cilësitë e mundshme që ka. Dhe nuk është nga skprapari sepse ka pasur një keqkuptim me një shofer taksist nga Skrapari. I thotë që “bravo ti goca jonë se na nderova”. Ajo i thotë që s’jam nga Skrapari, por Gjirokastra.
Të mos thotë njeri që është kandidate sepse është me origjinë nga Backa. Jo është nga Gjirokastra. Partia do të ketë 1 president, unë jam kandidat dhe kushdo tjetër mund të jetë kandidat.
Postin e Sekretarit të Përgjithshëm të PL-së do t’i besoj Tedi Blushit. Kushdo që ka një kandidat më të mirë se sa Tedi, ta paraqesë.”- tha Meta.
