Gjykata Penale prej tre anëtarësh e Selanikut vendosi një dënim me burg me dy vjet e tre muaj për një burrë që rrahu nënën e tij pak ditë pasi iu nënshtrua një operacioni.
I pandehuri është shpallur fajtor për lëndime të rrezikshme trupore në familje dhe kërcënim në familje, pa asnjë rrethanë lehtësuese, por gjykata ka vendosur që t’ia pezullojë dënimin për tre vjet.
“shpërthimi i tij është shkaktuar pasi më herët gjatë ditës është takuar me miqtë e tij dhe kur është kthyer në shtëpi ka qenë shumë nervoz. Ai më tha se do të më rrihte sepse unë isha përgjegjës për këtë. Kam thirrur policinë për ta detyruar të shtrohet në spital, nuk e dija se do të arrestohej,” tha ajo, duke shtuar se i akuzuari po merrte ilaçe, të cilat thuhet se i kishte ndërprerë në atë kohë.
Në kërkesën e tij ai ia atribuoi veprimin e tij mjekimit që kishte ndërprerë, duke u thënë gjyqtarëve se nuk kishte marrëdhënie të mira me nënën e tij dhe se nuk arriti ta godiste në pjesën e trupit ku kishte operuar.
