Eksperti i çështjeve ekonomike në Partinë Demokratike, Dorjan Teliti, ka komentuar këtë të hënë çështjen e dëmshpërblimit për ish-të përndjekurit politikë, teksa e ka cilësuar si skandalin e radhës të qeverisë Rama.
Në një postim në rrjete sociale, Teliti shprehet mes të tjerash se fakti që dëmshpërblimi financiar përfundon në vitin 2054, tregon se kjo është një tallje skandaloze që qeveria bën me këtë shtresë të përvuajtur të shoqërisë shqiptare.
Ai më tej ka përmendur edhe premtimin që Partia Socialiste ka bërë në 2013, ku u zotua se do të përfundonin plotësisht pagesat për dëmshpërblimin financiar brenda mandatit të parë (brenda vitit 2017).
Postimi i plotë:
Skandal: Dëmshpërblimi financiar i ish të përndjekurve politikë përfundon në 2054.
Ish të përndjekurit politikë janë qartësisht një ndër shtresat e shoqërisë që jo vetëm rezultuan të harruar, por edhe të tallur keq nga qeveria.
Premtimi PS 2013: Përfundojmë plotësisht pagesat për dëmshpërblimin financiar brenda mandatit të parë (brenda vitit 2017).
Fakti 1: Qeveria jo vetëm që gënjeu, por uli me tre herë fondin vjetor të dëmshpërblimit, nga 3 miliardë lekë/vit në buxhetin e KM Berisha, në vetëm 1 miliardë lekë/vit të KM Rama.
Fakti 2: Me këto ritme, sipas KLSH-së, procesi i dëmshpërblimit financiar të ish të përndjekurve politike dhe trashëgimtarëve të tyre përfundon në vitin 2054.
Fakti 3: Cfarë do të gëzojnë përfituesit deri në 2054, ndërkohë që inflacioni (shpeshherë edhe 2-shifëror) do gërryejë edhe ato këste që do marrin në tre dekatat që do vijnë?
⁉️Si mendoni a është kjo një tallje skandaloze që qeveria bën me këtë shtresë të përvuajtur të shoqërisë shqiptare?
