Është vënë në pranga autori i grabitjes së mjetit tip “BMW X5” në qytetin e Lezhës.
Në pranga ka rënë 45-vjeçari Kastriot Çaçaj. Ky i fundit pasi vodhi automjetin e parkuar në rrugën “Shtraus” të Lezhës, u largua drejt Shkodrës, për tu arrestuar më pas nga shërbimet e policisë.
“Si rezultat i veprimeve të shpejta hetimore dhe policore, u identifikua dhe u arrestua pak orë pas vjedhjes, autori i dyshuar i rastit, shtetasi K. Ç., 45 vjeç, banues në fshatin Zejmen. Pasi vodhi automjetin, 45-vjeçari u largua me të drejt Shkodrës, ku u kap si rezultat i ndjekjes nga shërbimet e Policisë. Gjithashtu, në cilësinë e materiale u sekuestrua automjeti tip “BMË X5”, i dyshuar i vjedhur nga shtetasi”,- thuhet në njoftimin e policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme
