Një 28 vjeçar i shpallur në kërkim për drogë është arrestuar nga Policia në Elbasan.
Bëhet fjalë për shtetasin Orgest Koka, i cili është dënuar nga gjykata e Tiranës me 1 vit e 4 muaj burg për veprën penale “Kultivimi i bimëve narkotike”.
Policia sqaron se riu nga Tirana u lokalizua në fshatin Xibrakë.
“Shërbimet e Policisë Rrugore të DVP Elbasan në bashkëpunim me ato të Komisariatit të Policisë Elbasan, kanë lokalizuar dhe kapur në fshatin Xibrakë, shtetasin në kërkim:
Orgest Koka, 28 vjeç, banues në Tiranë.
Gjykata e Apelit e Juridiksionit të Përgjithshëm Tiranë e ka dënuar këtë shtetas me 1 vit e 4 muaj burgim, për veprën penale “Kultivimi i bimëve narkotike”. Veprimet e mëtejshme procedurale do të kryhen nga Komisariati i Policisë Bulqizë, që e kishte shpallur në kërkim këtë shtetas”,- njofton policia.
