Gjykata e Lartë ka lënë në fuqi masën e arrestit shtëpiak për liderin e opozitës Sali Berisha.
Avokatët e Berishës kanë argumentuar se masat ndaj liderit të opozitës janë anti kushtetuese dhe anti ligjore, por këto kërkesa janë shpërfillur nga gjyqtarja e çështjes Irena Gjoka.
“Kolegji Penal, pasi shqyrtoi ne teresi dhe ne themel te gjitha shkaqet e parashtruara ne rekursin e paraqitur nga Z. Sali Berisha, vendosi: Lenien ne fuqi te vendimit nr. 15 date 25.01.2024, te Gjykates se Apelit te Posaçëm per Korrupsionin dhe Krimin e Organizuar”,- thuhet në njoftim.
Berisha ka kërkuar heqjen e masës së sigurisë arrest shtëpie, ku mbahet prej 30 dhjetorit të vitit të kaluar. Deri më tani kërkesa e tij është rrëzuar nga Gjykata e Posaçme dhe Apeli i kësaj gjykate, ndërkohë që avokatët e tij thonë se qëllimi i këtyre vendimeve është që Berishës t’i hiqet mandati i deputetit për shkak të mungesave në Kuvend.
Berisha akuzohet6 për korrupsion bashkë me dhëndrin e tij Jamarbër Malltezi në lidhje me procedurat e privatizimit te ish klubit sportiv Partizani.
