Një aksident i rëndë raportohet të ketë ndodhur në rrugën Prrenjas-Qafë Thanë.
Një automjet tip “Volksëagen” ka dalë nga rruga dhe ka përplasur katër persona që ndodheshin në një mjet tjetër tip Passat pranë një servisi.
Këta të fundit janë nisur drejt spitalit të Traumës për ndihmë mjekësore, dhe ende nuk dihet si paraqitet gjendja e tyre.
Sakaq policia njofton se ka nisur hetimi në gjendje të lirë për shoferin 44 vjeçar, që shkaktoi aksidentin.
“-J. D., 44 vjeç, banues në Peshkopi, pasi në aksin rrugor “Prrenjas-Qafë Thanë”, automjeti tip “Volksëagen” që ky shtetas drejtonte ka përplasur një automjet dhe si pasojë e humbjes së kontrollit nga drejtuesi, ka goditur dhe një automjet tip (Passat) në ambientet e një servisi. Për pasojë janë dëmtuar 4 shtetas që ndodheshin jashtë automjetit “Passat” (pasagjerë që udhëtonin në këtë automjet)”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
