Kryetari i Grupit Parlamentar të Partisë Demokratike, Gazment Bardhi, ka komentuar këtë të martë zhvillimet e fundit politike në vend teksa ka hedhur akuza se mazhoranca po sulmon drejtësinë.
Duke përmendur rastin e Mandatit të deputetes socialiste, Olta Xhaçka, Bardhi u shpreh se PS nuk po zbaton vendimin e Gjykates Kushtetuese.
Më tej ai shton se “Drejtësia nuk duhet të intimidohet”.
“Dua të shpreh shqetësimin për sulmin që mazhoranca i bën drejtësisë. Padyshim që nervozizmi i shtuar i kryeministrit në raport me hallet që e kanë zënë me drejtësinë për shkak të keqqeverisjes ka bërë që nga i vetëshpallur si njeriu që mbështeste drejtësinë në anatemuesusin e këtyre institucioneve.
Intimidimi që nuk do të duhet absolutisht të merret në konsiderate nga drejtësia. Kjo nuk duhet të nënshtrohet kur bëhet fjalë për hetime të njerëzve të pushtetshëm apo njerëzit e afërt të kryeministrit
Kemi parë një sulm të koordinuar të kryetarit të bashkisë së Tiranës sa i takon korrupsionit të padëgjuar në bashkinë e Tiranës, ku ekipi i kryetarit të bashkisë ishin përfshirë në një skemë korruptive ku paratë ia kalonin kompaninë ne pronësi të tyre.
Kulmi i këtij sulmi të koordinuar arriti kulmin dje që jo për llogari të Olta Xhaçkës, por për llogari të Edi Ramës sulmuan hapur anëtarët e Gjykatës Kushtetuese, madje duke shpallur atë se gjykata nuk i imponohet dot Kuvendit”, tha Bardhi.
