Ka nisur me debate mbledhja në Këshillin për Rregulloren dhe Mandatet, ku do të diskutohet në lidhje me mandatin e deputetes socialiste Olta Xhaçka.
Deputeti Gazment Bardhi akuzoi maxhorancën se është bërë mburojë e Olta Xhaçkës dhe kërkoi që çështja të mos zvarritet por të futet në rend të ditës në seancën e ardhshme.
Bardhi: Grupi ynë e ka ngritur këtë çështje në qershor 2022, ka qenë vullnet i mazhorancës të marrë në mbrojtje në anëtar të kabinetit, që vijmë sot në prill 2024, për një vendim që sipas Kushtetutës ishte i qartë që në nisje. Jo sepse e thotë opozita, por sepse Kushtetuesja e ka bërë të qartë që nëse ka një mocion të 1/10 shumica nuk mund të pengojë dërgimin e çështjes në Kushtetuese. Kërkoni ndjesë që jeni bërë mburojë. Çështja të mos zvarritet më tej e të jetë pikë e parë e rendit të ditës së seancës së ardhshme. Këshilli i Rregullores e mandative nuk ka më çfarë të shqyrtojë, se qëndrimet tona janë të qarta. Ju e keni marrë në mbrojtje ne e kemi kërkuar të verifikohet.
Çështja e mandatit të Xhaçkës u risoll në qendër të vëmendjes nga kreu i Grupit Parlamentar të PD, Gazmend Bardhi, pas arrestimit të ish kryebashkiakut të Himarës me akuza për tjetërsimin e një prone në Himarë ku bashkëshorti i ish ministres po ndërton një kompleks turistik.
Edhe përfaqësues të tjerë të opozitës kanë akuzuar Partinë Socialiste se është bërë mburojë politike për Xhaçkës, pretendime që janë mohuar nga anëtarët e mazhorancës qeverisëse.
