Detaje të reja janë zbardhur ne lidhje me fatin e 12-vjeçares shqiptare e cila u plagos në Finlandë.
Shqiptarja nga Kosova u plagos rëndë nga të shtënat të cilat u regjistruan në shkollën e saj ku humbi jetën një 12-vjeçar. Nga të shtënat mbeti e plagosur edhe një vajzë tjetër.
Një komisioner i policisë finlandez, Kimmo Hyvarinen, ka konfirmuar se dy vajzat janë të shtruara ende në spital dhe po luftojnë me jetën.
Një djalë 12-vjeçar ka humbur jetën nga të shtënat me armë zjarri. I dyshuari, po ashtu 12 vjeçar, ka thënë se motivi i aktit ka qenë bullizmi në shkollë.
