Pas miratimit në Kuvend të Amnistisë Penale Flamur Noka në studion e Top Story, deklaroi se ajo që ndodhi nuk është arritje, por një vendim i domosdoshëm për të zbutur gjendjen ku ndodhet sistemi.
“Nuk mund të them se është arritje, por në gjendjen ku e kanë katandisur situatën e arrestimeve, burgjeve në shqipëri, ky shtet, kjo qeveri, ishte e nevojshme që të ndërhyhej.
Prej vitesh Policia e Shtetit nuk po punonte, por është aty për të plotësuar statistikat.
Ne kemi qenë të interesuar të përfitojnë të gjithë protestuesit, që u lanë rrugëve dhe nëpër biruca dhe kanë që në 2017 që janë në procedime penale.
Jemi kujdesur që për ndërtimet pa leje të kullave, të mos ketë amnisti. Zyrtarët e lartë që deklarojnë pasuri dhe që janë të arrestuar të mos përfitojnë. Të gjithë ata që deklarojnë pasurinë nuk mund të përfitojnë, kjo është baza e dyshimeve tona”, tha Noka.