Ish-kryeministri Sali Berisha ka folur mbrëmjen e sotme mbi zhvillimet politike në Kuvend, teksa u ndal tek interpelanca urgjente që kërkoi Gazmend Bardhi me kryeministrin Rama lidhur me dosjen “Xibraka”.
Gjatë fjalës së tij në tubimin qytetar Berisha deklaroi se Edi Rama e refuzoi interpelancën për narkotrafikantin Olsi Rama, pasi ky i fundit ka zbatuar vetëm porositë e kryeministrit.
Sipas Berishës, Rama shkoi e kërkoi strehim politik në SPAK tek ‘Damani i partisë’.
Pjesë nga fjala e kreut të PD-së, Sali Berisha:
E morët vesh sot zotërinj, miqtë e mi?
Edi Rama refuzoi të paraqitet në interpelancë në parlament për të dhënë shpjegime për kriminelin narkotrafikant Olsi Rama, vëllain e tij.
A e dini ju pse nuk u paraqit dot?
Sepse Olsi Rama ka qenë vetëm ushtar i tij.
Sepse Olsi ka zbatuar vetëm porositë e tij.
Dhe tani paturpësisht deklaroi se ka kërkuar strehim politik te Damani i partisë.
Edhe aty do të kapin Edi Rama, edhe aty do të të gjejnë.
Ta kesh të qartë se nuk ka Daman dhe Zaman që të shpëton ty nga drejtësia e vërtetë, nga ligjet e këtij vendi.
Tirana e tëra po zien sonte.
Tirana është e gatshme të derdhet në rrugë.
Tirana pret me padurim të përmbushë misionin e saj.
Rroftë Tirana, rroftë Shqipëria.
Zoti ju bekoftë ju, shqiptarët dhe Shqipërinë.
