Ish-deputeti Lefter Maliqi, nga Gjykata e Beratit, ku u paraqit për akuzat për shpifje të ngritura nga Pëllumb Salillari dhe Kreshnik Hajdari, ka deklaruar se çështja javën tjetër do të spostohet në SPAK.
Maliqi shpreh indinjatën e tij për këtë farsë, që ai vetë e etiketon si “telenovelë”. Ai shprehet se Hajdari akuzohet për një sërë abuzimesh që kanë të bëjnë me tenderë korruptivë miliona euro nga taksat e qytetarëve, në bashkëpunim me firmën e Pëllumb Salillarit.
Maliqi: Isha sot në seancën e radhës në Gjykatën e Beratit, me telenovelën e Salillarit bashkë me të dënuarin Hajdarin e Kuçovës, të cilët në bashkëpunim, edhe me nipin e vet edhe me krushkun edhe me firma të tjera të ndërtimit kanë abuzuar në mënyrë marramendëse me taksat e qytetarëve të Kuçovës.
Para Gjykatës ashtu si dhe para SPAK e kam akuzuar salillarin si abuzues, hajdut bashkëpunëtor , shpërdorues i tmerrshëm jo vetëm në bashkinë e Kuçovës por edhe më gjerë, ku tenderat janë korruptivë, miliarda lekë.
Duke përmendur disa nga tenderat korruptive që ka kryer Salillari në Bashkitë Kuçovë e Dimal, Lefter Maliqi ka deklaruar se ka prova të pakundërshtueshme që dëshmojnë edhe ndërhyrjen e Salillarit gjatë fushatës elektorale në zgjedhjet bashkiake, ku ai ishte kandidat i koalicionit “Bashkë Fitojmë” për Bashkinë e Kuçovës.
Më tej Maliqi njoftoi se ditën e martë në orën 10:00 do të jetë në një konferencë për shtyp ku do të flasë më gjerë lidhur me temën, dhe do të faktojë akuzat që ka hedhur drejt Hajdarit për abuzime me tenderat.
Maliqi: Ditën e martë në orën 10:00 do të jem në konferencë për shtyp, ku do të tregoj provat dhe faktet. Unë kam besim qe do ti çojmë deri në fund, i thash Gjykatës nëse doni video dhe prova për akuzat ndaj këtij oligarku, i cili ka bërë namin me lekët e qytetarëve unë do t’jua dërgoj, të gjitha këto prova janë në SPAK.
