Policia e Kosovës ka publikuar fotot e dy autorëve të dyshuar për vrasjen e dyfishtë të regjistruar natën e kaluar në Prishtinë.
Personat e dyshuar janë vëllezërit Ahmet ( Ali) Berisha 39-vjeç dhe Naim (Ali) Berisha, 29-vjeç. E gjithë ngjarja e këtij incidenti me armë zjarri u zhvillua në mes dy grupeve në rrugën “Jeronim de Rada” në kryeqytetin kosovar.
I vdekur në vendin e ngjarjes mbeti 30-vjeçari, Egzon Haziri, por plumbat kapën aksidentalisht edhe dy kalimtarë të rastit që mbetën të plagosur.
Njëri prej tyre, shtetasja Z.G 48-vjeçare, fatkeqësisht ndërroi jetë ditën e sotme në spital, duke mos iu mbijetuar dot plagëve të marra. Ajo është qëlluar nga arma e zjarrit teksa ndodhej në automjet pranë shtëpisë së saj dhe nuk ishte pjesë e palëve të përfshira në rast.
Policia e Prishtinës, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në arrestimin e dy vëëlezërve të dyshuar si autor.
Reagimi i plotë:
Kërkesë për bashkëpunim për vendodhjen personave të dyshuar
Njësiti i hetimeve të përgjitshme që operon në kuadër të Drejtorisë Rajonale të Policisë në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në arrestimin e personave të dyshuar.
Personat e dyshuar Ahmet ( Ali) Berisha dhe Naim (Ali) Berisha kërkohen për veprën vrasje e rëndë që ka ndodhë mbrëmë.
Ndonëse janë ndërmarrë një sërë veprimesh nga ana e policisë, kërkimi i vazhdueshëm, bastisja e disa lokacioneve etj. personat e dyshuar vazhdojnë të ndodhen në arrati, andaj për çdo informatë që mund të çojë në identifikimin e vendodhjes së personave të dyshuar na kontaktoni direkt në:
E-mail: [email protected]
Facebook: https://www.facebook.com/KosovoPolice/
Android app: Lajmero Policine
Tel: 192
