Lideri demokrat, Sali Berisha, ka komentuar pasditen e sotme, paraqitjen në SPAK të ish-bashkëshortes së Arben Ahmetaj, e cila u mor në pyetje lidhur me pasurinë që ka ndarë me ish-zv-kryeministrin e vendit.
Berisha u shpreh se e shoqja e Ahmetajt u mor e pandehur si hakmarrje për akuzat që ish-zv.kryeministri lëshoi ndaj kryeministri Rama.
Më tej Berisha u ndal edhe tek afera e inceneratorëve, teksa u shpreh se SPAK duhet të marrë të pandehur Erion Veliajn që ka firmosur kontratën., pasi me firmën e tij janë zhdukur 130 milionë euro të djegësit të Tiranës.
Berisha: Miqtë e mi, kanë marrë të pandehur, të shoqen e Arben Ahmetajt si hakmarrje për akuzat që lëshoi mbi Edi Ramën. Me pretekstin se Mirel Mërtiri, apo nuk mbaj mend cili prej tyre, i paska paguar pllakat e kuzhinës dhe të banjos.
A ka përqeshje më të madhe se kjo or miq? Në një kohë kur 130 milionë euro janë zhdukur pa nam dhe nishan.
Dhe Damani me kriminelët e tjerë në SPAK, nuk guxon të marrë të pandehur Erion Veliajn që ka firmosur kontratën, ka firmosur ndryshimin e trajtimit të mbetjeve, ka firmosur se do raportojë çdo muaj për çdo situacion pune. Dhe në betimin e tij, në firmën e tij, janë zhdukur 130 milionë euro të djegësit të Tiranës.
Janë zhdukur në konton bankare të Edi Ramës dhe Erion Veliajt, të cilët dhanë bonusin 8 pikë, një sipërmarrje që ekzistonte vetëm në kokën e tyre. Por këta i mbron Dumani, i mbron Kraja, i mbrojnë këta kriminelë që nuk i ka pasur Shqipëria ndonjëherë. Dhe mendojnë se do mashtrojnë ju, do mashtrojnë shqiptarët duke arrestuar Gorot dhe goro të tjerë.
