Numri i viktimave që humbën jetën nga sulmi terrorist i së premtes në sallën e koncerteve në Moskë është rritur në 133, ndërsa në mesin e të vdekurve raportohet se janë të paktën 3 fëmijë.
Autoritetet ruse thonë se ky numër mund të rritet edhe më shumë. Ndërsa të plagosurit raportohet të jenë mbi 100 persona.
Katër persona të armatosur me kallashnikovë dhe granata sulmuan turmat e njerëzve duke hapur zjarr mbi popullsinë civile. Pamjet e transmetuara nga mediat ruse ishin të tmerrshme.
Një grup i Shtetit Islamik mori përgjegjësinë pas ngjarjes së rëndë. SHBA reagoi duke thënë se ka arsye të besojë që sulmi është kryer nga Shtetit Islamik. Sipas Shtëpisë së Bardhë, SHBA-ja e kishte paralajmëruar Rusinë në fillim të muajit Mars për një sulm të mundshëm ndaj civilëve në Moskë.
Por korrenspondenti i BBC, Gordon Corera, tha se Rusia i kishte konsideruar si propagandë amerikane këto paralajmërime të Shtëpisë së Bardhë.
Hetuesit rusë qëndruan gjatë gjithë natës në skenën e krimit për të mbledhur prova. Ky është sulmi më i rëndë vdekjeprurës në Rusi në 20 vitet e fundit.
Autoritetet ruse dyshuan fillimisht se pas sulmit mund të fshihej Ukraina dhe u betuan për hakmarrje. Por autoritetet ukrainase mohuan kategorikisht çdo lloj përfshirje në këtë masakër. Deri sa më pas erdhi reagimi nga ISIS që mori përgjegjësinë.
Presidenti rus Vladimir Putin e lidhi ngjarjen me Ukrainën dhe tha se se përgjegjësit do të ndëshkohen. Sipas tij, autorët e sulmit u përpoqën të arratiseshin drejt Ukrainës, por u arrestuan nga forcat e sigurisë së Rusisë.
“Të gjithë përgjegjësit do të ndëshkohen”, u shpreh presidenti Putin duke shtuar se “4 personat e armatosur që shkaktuan sulmin janë arrestuar”.
“Armiqtë tanë nuk do të na ndajnë. Autorët u nisën drejt Ukrainës, ku u ishte përgatitur një “dritare” pritjeje”, kriminelët dolën për të vrarë gjakftohtë, për të qëlluar rusët në kontakt, ashtu si nazistët dikur bënë. Të gjithë autorët, organizatorët dhe ekzekutuesit e sulmit terrorist do të ndëshkohen me drejtësi”, tha Putin.
Kremlini: Autorët janë arrestuar
11 persona janë arrestuar për sulmin terrorist në Moskë. Sipas autoriteteve ruse 4 prej tyre morën pjesë drejtpërdrejt në sulmin terrorist në vendin e koncertit “Crocus”, ku mbetën të vdekur rreth 93 persona dhe qindra të tjerë u plagosën.
Sulmet më vdekjeprurëse në Rusi ndër vite
Një nga sulmet më vdekjeprurëse në 25 vjetët e fundit në Rusi ndodhi më 22 mars, kur persona të armatosur sulmuan një sallë koncertesh pranë Moskës, duke vrarë së paku 62 njerëz.
Nga viti 1999 e këndej, brenda Rusisë ndodhën disa sulme të mëdha:
1999 – Bombat shkatërruan blloqe apartamentesh në Moskë, Bujnaksk dhe Volgodonsk. Më shumë se 200 njerëz u vranë. Moska fajësoi çeçenët, kurse këta të fundit fajësuan shërbimet sekrete ruse.
(Lexo më shumë në linkun më poshtë)
