Dy persona janë shoqëruar nga policia e Durrësit, pasi akuzohen se kanë dhunuar punëtorin e një karburanti.
Dyshohet se një 42-vjeçar dhe një 46-vjeçar, janë konfliktuar fizikisht me punëtorin 62-vjeçar për motive banale.
“Rreth orës 13:45, në një karburant në lagjen nr. 17/1 , dyshohet se për motive të dobëta, shtetasit G. H.,42 vjeç dhe H. Gj., 46 vjeç, janë konfliktuar fizikisht me punëtorin e këtij karburanti, shtetasin S. P., 62 vjeç. Shërbimet e Policisë kanë shoqëruar menjëherë në ambientet e komisariatit, shtetasit G. H. dhe H. Gj., me të cilët po kryhen veprimet e mëtejshme procedurale. Ndërkaq, grupi hetimor vijon punën për sqarimin e plotë të rrethanave të rastit”, njoftoi policia.
