Arrestimi i kryebashkiakut në detyrë të Himarës, Jorgo Goro ka bërë bujë edhe në mediat greke. Protothema shkruan se ndoshta me këtë arrestim, si dhe me caktimin e Vangjel Tavos si prefekt i Vlorës, pala shqiptare synon të qetësojë Athinën.
“Me urdhër të Prokurorisë Speciale është arrestuar kryetari i Bashkisë së Himarës, Jorgo Goro. Ky është kryebashkiaku i emëruar nga kryeministri shqiptar Edi Rama.
Arrestimi i Jorgo Goros vjen pas shumë ankesave për “shpërdorim detyre” dhe “tjetërsim prone”.
Mirëpo, të bën përshtypje fakti që ky zhvillim, me arrestimin e Goros, i cili deri më tani nuk kishte pranuar të jepte dorëheqjen, i lehtëson makinacionet e Ramës, ndërkohë që gjykata e Shqipërisë kishte theksuar se është i paligjshëm qëndrimi i tij në pozicioni i kryetarit të komunës. Në të njëjtën kohë, edhe Athina po reagonte për qëndrimin e Goros në postin e kryetarit të bashkisë edhe pse i kishte humbur zgjedhjet.
Ndoshta momenti i arrestimit nuk është i rastësishëm, pasi pak ditë më parë Rama emëroi si prefekt të qarkut të Vlorës ish-deputetin minoritar të Partisë Socialiste Tavo, i cili në këtë mënyrë ka edhe mbikëqyrjen dhe menaxhimin e qytetit të Himarës.”- shkruan ndër të tjera Protothema.
