Ndryshimet klimatike, bën bashkë ekspertët në Ditën Botërore të Meteorologjisë. Fokusi kryesor i këtij forumi shkencor është klima dhe ndryshimet klimatike në Shqipëri dhe jo vetëm,.
“Klima fillimisht duhet konsideruar një pasuri kombëtare jo vetëm e jona, por e çdo vendi në botë. Dhe si e tillë ajo duhet monitoruar dhe vlerësuar në mënyrë të pandërprerë dhe në përputhje dhe me standardet dhe kriteret e organizatës së meteorologjisë. Ndryshimet klimatike dhe impakti i saj në degë të ndryshme të ekonomisë apo dukuritë ekstreme të motit, nuk mund të vlerësohen apo parashikohen pa patur një monitorim të saktë shkencor të atmosferës nga pikëpamja meteorologjike”, tha Petrit Zorba Profesor në Departamentin e Meteorologjisë në IGJEO.
Ndërkohë në konkluzionet e forumit theksohej se ndryshimet klimatike dhe impaktet e saj në degë të ndryshme të ekonomisë, apo dukuritë ekstreme të motit nuk mund të vlerësohen apo parashikohen pa patur një monitorim të saktë shkencor të atmoferës nga pikëpamja meteorologjike.
“Duke qenë se kemi shumë ndërhyrje në atmosferë, në forma nga më të ndryshmet, ky parashikimi klasik I motit nuk do të jetë më i tillë në të ardhmen, e afërt, pasi moti do të jetë për një javë i modifikuar dhe për ca ditë natyral. Ndaj ne duhet të jemi në gjendje që të kemi systemin e monitorimit sa më të mirë për territorin e Shqipërisë, të dimë si janë masat ajërore nga lëvizin, nga shkojnë dhe ku vijnë dhe çfarë impakti sjellin në territorin e vendit tonë”, shtoi ai.
Referuar të dhënave nga Instituti I Gjeoshkencës, sipasojë e ndryshimeve klimatike temperaturat janë rritur me 1.9 gradë celcius jo vetem gjatë verës, por edhe në periudha të tjera të vitit./SCAN
