Rrjeti i Zgjidhjeve të Zhvillimit të Qëndrueshëm të OKB-së ka publikuar listën e vendeve më të lumtura dhe më të palumtura në planet ku Finlanda zë vendin e parë për të shtatën vit radhazi. Ndërsa Afganistani, renditet në fund të listës, duke u bërë kështu vendi më i palumtur në botë.
10 shtete të Europës janë në dhjetëshen e vendeve më të lumtura, me Danimarkën në vendin e dytë në listën e 140 vendeve dhe Islandën në të tretën. Në dhjetëshen e parë gjejmë edhe Suedinë, Izraelin, Holandën, Norvegjinë, Luksemburgun, Zvicrën dhe Australinë.
Britania duket se ka rënë në renditje, e cila ishte në vendin e 20-të pas vendeve si Lituania ose Republika Çeke, si dhe SHBA-të, të cilat ranë tetë vende në krahasim me vitin 2023 (vendi i 23-të këtë vit – i 15-ti në 2023).
Shqipëria është në vendin e 87-të këtë vit, duke rënë 5 vende në krahasim me vitin 2023 kur ishte në vendin e 83-të të listës.
Sakaq, Kosova ndodhet në vendin e 29, ndërsa një vit më parë ishte renditur në vendin e 34.
Studiuesit zbuluan gjithashtu se ata që kanë lindur para vitit 1965 janë më të lumtur se ata të lindur pas vitit 1980.
Në këtë kontekst, studiuesit argumentojnë se evropianët e rinj dhe amerikanët e veriut po kalojnë një fazë që i ngjan një “krize të moshës së mesme”.
Hulumtimi i Raportit të Lumturisë Botërore bazohet në përgjigjet dhe vlerësimet e qytetarëve të vendeve në lidhje me jetën e tyre dhe emocionet pozitive dhe negative që ata përjetojnë.
