Deputeti i Partisë Demokratike, Edi Paloka ka komentuar pasditen e sotme vendimin e Gjykatës së Lartë e cila vendosi rishqyrtimin e çështjes së vulës së PD-së.
Në një intervistë në Ora News, Paloka, u shpreh se vendimi për vulën e PD-së duhej të ishte zbardhur tre muaj më parë dhe se ishte Rama që inicioi përçarjen e opozitës.
Më tej ai shton se Partia Demokratike i përket Sali Berishës, dhe e gjithë zvarritja e procesit të vulës është një strategji që bën pjesë në interesat e Ramës.
Paloka: Nuk ka ndryshuar asgjë tek Edi Rama dhe unë nuk pres ndonjë ndryshim tjetër në sjelljen e kësaj drejtësie që kontrollohet nga Rama. Sepse të vazhdosh të diskutohet pas 2 viteve se kujt i përket PD, kur tashmë është e qartë jo vetëm për shqiptarët por për këdo në botë edhe për ata ndërkombëtarët që e kishin nisur dhe e luanin këtë lojë janë dorëzuar tani.
PD i përket anëtarëve të PD-së, shumicës së anëtarëve.
I përket grupit parlamentar të PD-së, i përket Sali Berishës dhe për këtë nuk ka më asnjë dyshim.
Vendimi është marrë ka mbi 2 muaj 3 muaj, duhej të ishtë zbardhur tre muaj më parë.
E gjithë kjo strategji për të zvarritur bën pjesë tek interesat e Ramës për të pasur këtë opozitë që ka.
Sepse është ai që inicioi përcarjen e opozitës dhe më pas me mbështetjen e ish kryetarit të PD, Bashës vazhdoi këtë lojë dhe po e vazhdon sot e kësaj dite.
Vendimi i gjykatës është i qartë, aty praktikisht deligjitimohet si palë Lulzim Basha.
Nuk është as marrëveshje as draft marrëveshje, ajo është një zbythje e Ramës thjesht për të njohur të drejta që ne na jep Kushtetuta.
Kemi disa raporte ndërkombëtare, dhjetëra artikuj nga mediat prestigjioze ku kanë ngritur të njëjtat probleme sic kemi ngritur ne, të drejtat e opozitës në parlament.
Po të mos kishim protestuar ne në parlament, nuk do ti kishte kthyer kush sytë nga ne.
Në raportet ndërkombëtare, këto cështje janë ngritur. Dhe në raporte të tjera ku Rama po quhet autocrat.
