Është zbardhur dinamika e plotë e aksidentit tragjik që ndodhi mbrëmjen e së dielës në Tepelenë, ku humbën jetën katër persona dhe u plagosën 5 të tjerë.
Në aksident u përfshinë tre makina, “Mercedezs Benz”, “Toyota” dhe “BMW”. Ka qënë 42-vjeçari Riza Rrapaj, ai i cili duke drejtuar mjetin tip “Mercedez Benz” ka humbur kontrollin dhe është përplasur me mjetin tip “Toyota” me drejtues 62-vjeçarin Lavdosh Begaj, punonjës i OST dhe pasagjerë bashkëshorten, krushqit Jani dhe Lavdie Meta dhe nënën e moshuar të Jani Metës, Afërdita Meta.
Nga përplasja kanë mbetur të vdekur:
Riza Rrapaj 42 vjeç
Lavdosh Begaj 62 vjeç
Lefteri Begaj 57 vjeç
Afërdita Metaj 90 vjeç
Dhe të plagosur:
Jani Meta rreth 60 vjeç
Lavdie Meta, 61 vjeç
Në aksident është përfshirë edhe një mjeti tip “BMË”, dhe kanë mbetur të plagosur lehtë shoferi dhe dy pasagjerët në mjet.
Sakaq burime bëjnë me dije se familja Begaj bashkë me krushqit e tyre të familjes Meta ishin nisur për të festuar lindjen e nipit në një lokal në periferi të Tepelenës. Vajza e Lavdosh Begajt është e martuar me djalin e Jani Metës. Ndaj dy çiftet, krushqi me njeri-tjetrin ishin nisur së bashku në një makinë për tek restoranti ku do organizohej darka festive.
Ndërsa ne fshatin Izvor te Memaliajt iu dha lamtumira 42-vjecarit Riza Rapaj. Faturisti i OSHEE-së dyshohet se shkaktoi aksidentin fatal. Burimet policore konfirmojnë se shkak i aksidentit ishte shpejtësia e lartë dhe lagështia në rrugë që sollën devijim e korsisë dhe përplasjen e Benzit me Toyotën dhe BMË.
