Lirohet nga qelia i arrestuari i vetëm i shpërthimit në magazinën e deputetit të PS-së Bujar Çela, në Lushnje, që shkaktoi 2 viktima dhe 7 të plagosur.
Pas kalimit për kompetencë tek SPAK i dosjes hetimore për çështjen (për shkak të përfshirjes së deputetit të PS-së Bujar Çela), Prokuroria e Posaçme ka dërguar në GJKKO kërkesën për rivlerësim të masave që caktoi Gjykata e Fierit.
SPAK depozitoi në GJKKO të njëjtat kërkesa që miratoi gjykata e Fierit, në përputhje me kërkesat e prokurorisë së rrethit. Konkretisht, Prokuroria e Posaçme kërkoi “arrest në burg” për Leonard Gjinin, të arrestuarin e vetëm për ngjarjen, si dhe “ndalimi i daljes jashtë shtetit” dhe “pezullimi i ushtrimit të një detyre a shërbimi publik” për kryeinspektorin e Inspektoriatit të Mbrojtjes së Territorit, Bashkia Lushnjë, tre inspektorë të tjerë të kësaj strukture si dhe për inspektorin e përgjithshëm të Njësisë Bashkiake Nr.5, Bashkia Lushnjë.
Ata janë Robert Kola, Kudret Sulo, Miklovan Petro, Eugert Sina dhe Ilmi Uku, të cilët dyshohen për “shpërdorim detyre”, duke qenë se sipas hetimeve, nuk kanë ushtruar kontrolle apo verifikime për punimet që po kryheshin në magazinën e deputetit socialist. Për këta të fundit, gjyqtari Erjon Bani vendosi vazhdimin e masës së sigurisë dhënë më herët nga gjykata e Fierit.
Të akuzuarit kanë deklaruar në dëshmitë e tyre se nuk kanë patur asnjë njoftim nga Bashkia për lejen e dhënë, dhe se sistemi online e kësaj bashkie kishte muaj të tërë që nuk funksiononte.
Lirohet i arrestuari i vetëm
Gjykata nuk pranoi vijimin e arrestit me burg për Leonard Gjinin dhe vendosi lirimin e tij nga detyra.
Gjyqtari Bani e cilësoi të paligjshëm ndalimin e Leonard Gjinit, si i dyshuar për kryerjen e veprës penale të “Shkelja e rregullave të mbrojtjes në punë”. Sipas gjyqtarit të posaçëm, “mungon dyshimi i arsyeshëm i bazuar në prova për kryerjen e veprës penale”.
Vetë Leonard Gjini ka mohuar të ketë kryer shkelje ligjore si pas arrestimit, ashtu edhe kur gjykata e Fierit vendosi të mbyllë në qeli.
Ai u arrestua pak ditë pas shpërthimit. Policia e akuzoi se “me mosveprimet e tij, duke qenë i autorizuar për kryerjen e ndërtimit të kapanonit sipas kontratës së sipërmarrjes, ka lejuar kryerjen e punimeve pa respektuar rregulloret përkatëse të sigurimit teknik, të disiplinës teknike të mbrojtës në punë dhe nuk ka marrë masa për zbatimin, duke sjellë pasoja të rënda”.
Nga ana tjetër, pronari i firmës “Gjini Konstruksion’ sh.p.k. ka pranuar se ka lidhur një kontratë me deputetin Bujar Çela për të ndërtuar magazinën. Por, ka shtuar se kompania e tij nuk e nisi kurrë punën dhe se punëtorët që ishin të pranishëm në objekt ditën e shpërthimit, nuk njiheshin prej tij dhe nuk ishin të kompanisë se ndërtimit që ai ka në pronësi.
Ende asnjë akuzë ndaj deputetit Bujar Çela
Në këtë fazë të hetimeve, nuk është ngritur ende asnjë akuzë ndaj deputetit socialist Bujar Çela, edhe pse hetimet paraprake kanë zbuluar shkelje të lejes së ndërtimit në magazinën e ligjëvënsit, ku ndodhi edhe shpërthimi.
Sipas materialit hetimor të referuar në Prokurorinë e Fierit nga policia, magazina ku po punohej, në pronësi të deputetit socialist Bujar Çela – një ndër të plagosurit nga shpërthimi, ishte në shkelje të lejes së ndërtimit.
Për këtë fakt, janë kërkuar dhe masat për pesë zyrtarët e sipërpërmendur. Megjithatë, ende nuk është ngritur akuzë ndaj deputetit.
Lidhur me shkakun e shpërthimit, hetimet paraprake zbuluan se “është shkaktuar nga një avari që ka ndodhur gjatë procesit të punës që kryente viktima Roland Hoxha (vinçier) për prerjen dhe çmontimin e disa profileve të hekurit duke përdorur flakën me nxehtësi të lartë që prodhohet nga djegia dhe përzierja e oksigjenit me Acetilenin”.
“Kjo avari, sipas konkluzioneve të grupit hetimor, ka bërë që një nga bombolat e cila dyshohet të këtë qenë më përmbajtje gazi acetilen ka shpërthyer duke shkaktuar dhe dëmet me pasojë humbjen e jetës së dy shtetasve, plagosjen e shtate të tjerëve dhe dëmtimin e objektit, banesave dhe e bizneseve përreth”.
Nga shpërthimi i ndodhur pasditen e 1 Marsit, humbën jetën Landi Verçani dhe djali i tij Elidoni, të cilët sipas hetimeve ishin duke punuar në vinç dhe u plagosën 7 persona të tjerë, mes tyre dhe vetë deputeti socialist Bujar Çela.
Lirohet nga qelia i arrestuari i vetëm i shpërthimit në magazinën e deputetit të PS-së Bujar Çela, në Lushnje, që shkaktoi 2 viktima dhe 7 të plagosur.
Pas kalimit për kompetencë tek SPAK i dosjes hetimore për çështjen (për shkak të përfshirjes së deputetit të PS-së Bujar Çela), Prokuroria e Posaçme ka dërguar në GJKKO kërkesën për rivlerësim të masave që caktoi Gjykata e Fierit.
SPAK depozitoi në GJKKO të njëjtat kërkesa që miratoi gjykata e Fierit, në përputhje me kërkesat e prokurorisë së rrethit. Konkretisht, Prokuroria e Posaçme kërkoi “arrest në burg” për Leonard Gjinin, të arrestuarin e vetëm për ngjarjen, si dhe “ndalimi i daljes jashtë shtetit” dhe “pezullimi i ushtrimit të një detyre a shërbimi publik” për kryeinspektorin e Inspektoriatit të Mbrojtjes së Territorit, Bashkia Lushnjë, tre inspektorë të tjerë të kësaj strukture si dhe për inspektorin e përgjithshëm të Njësisë Bashkiake Nr.5, Bashkia Lushnjë.
Ata janë Robert Kola, Kudret Sulo, Miklovan Petro, Eugert Sina dhe Ilmi Uku, të cilët dyshohen për “shpërdorim detyre”, duke qenë se sipas hetimeve, nuk kanë ushtruar kontrolle apo verifikime për punimet që po kryheshin në magazinën e deputetit socialist. Për këta të fundit, gjyqtari Erjon Bani vendosi vazhdimin e masës së sigurisë dhënë më herët nga gjykata e Fierit.
Të akuzuarit kanë deklaruar në dëshmitë e tyre se nuk kanë patur asnjë njoftim nga Bashkia për lejen e dhënë, dhe se sistemi online e kësaj bashkie kishte muaj të tërë që nuk funksiononte.
Lirohet i arrestuari i vetëm
Gjykata nuk pranoi vijimin e arrestit me burg për Leonard Gjinin dhe vendosi lirimin e tij nga detyra.
Gjyqtari Bani e cilësoi të paligjshëm ndalimin e Leonard Gjinit, si i dyshuar për kryerjen e veprës penale të “Shkelja e rregullave të mbrojtjes në punë”. Sipas gjyqtarit të posaçëm, “mungon dyshimi i arsyeshëm i bazuar në prova për kryerjen e veprës penale”.
Vetë Leonard Gjini ka mohuar të ketë kryer shkelje ligjore si pas arrestimit, ashtu edhe kur gjykata e Fierit vendosi të mbyllë në qeli.
Ai u arrestua pak ditë pas shpërthimit. Policia e akuzoi se “me mosveprimet e tij, duke qenë i autorizuar për kryerjen e ndërtimit të kapanonit sipas kontratës së sipërmarrjes, ka lejuar kryerjen e punimeve pa respektuar rregulloret përkatëse të sigurimit teknik, të disiplinës teknike të mbrojtës në punë dhe nuk ka marrë masa për zbatimin, duke sjellë pasoja të rënda”.
Nga ana tjetër, pronari i firmës “Gjini Konstruksion’ sh.p.k. ka pranuar se ka lidhur një kontratë me deputetin Bujar Çela për të ndërtuar magazinën. Por, ka shtuar se kompania e tij nuk e nisi kurrë punën dhe se punëtorët që ishin të pranishëm në objekt ditën e shpërthimit, nuk njiheshin prej tij dhe nuk ishin të kompanisë se ndërtimit që ai ka në pronësi.
Ende asnjë akuzë ndaj deputetit Bujar Çela
Në këtë fazë të hetimeve, nuk është ngritur ende asnjë akuzë ndaj deputetit socialist Bujar Çela, edhe pse hetimet paraprake kanë zbuluar shkelje të lejes së ndërtimit në magazinën e ligjëvënsit, ku ndodhi edhe shpërthimi.
Sipas materialit hetimor të referuar në Prokurorinë e Fierit nga policia, magazina ku po punohej, në pronësi të deputetit socialist Bujar Çela – një ndër të plagosurit nga shpërthimi, ishte në shkelje të lejes së ndërtimit.
Për këtë fakt, janë kërkuar dhe masat për pesë zyrtarët e sipërpërmendur. Megjithatë, ende nuk është ngritur akuzë ndaj deputetit.
Lidhur me shkakun e shpërthimit, hetimet paraprake zbuluan se “është shkaktuar nga një avari që ka ndodhur gjatë procesit të punës që kryente viktima Roland Hoxha (vinçier) për prerjen dhe çmontimin e disa profileve të hekurit duke përdorur flakën me nxehtësi të lartë që prodhohet nga djegia dhe përzierja e oksigjenit me Acetilenin”.
“Kjo avari, sipas konkluzioneve të grupit hetimor, ka bërë që një nga bombolat e cila dyshohet të këtë qenë më përmbajtje gazi acetilen ka shpërthyer duke shkaktuar dhe dëmet me pasojë humbjen e jetës së dy shtetasve, plagosjen e shtate të tjerëve dhe dëmtimin e objektit, banesave dhe e bizneseve përreth”.
Nga shpërthimi i ndodhur pasditen e 1 Marsit, humbën jetën Landi Verçani dhe djali i tij Elidoni, të cilët sipas hetimeve ishin duke punuar në vinç dhe u plagosën 7 persona të tjerë, mes tyre dhe vetë deputeti socialist Bujar Çela.
