Një ngjarje e rëndë është regjistruar mëngjesin e kësaj të hëne në Fushë Krujë, ku një grua, pasi ka lindur, e ka hedhur foshnjën e saj të mbështjellë me një qese në lumin e Tapizës.
Bëhet fjalë për shtetasen L. K., 42 vjeçe, banuese në Tapizë, e cila është arrestuar nga Policia e Krujës, pasi akuzohet për veprën penale “Vrasja e foshnjes”.
“Kjo shtetase, ditën e sotme, rreth orëve të mëngjesit, dyshohet se pasi ka lindur foshnjen në ambientet e banesës së saj, duke pretenduar se ka lindur e vdekur, e ka futur në një qese dhe më pas e ka hedhur në bregun e lumit të Tapizës.” – thuhet në njoftimin e autoriteteve policore.
Materialet procedurale i kaluan Prokurorisë, për veprime të mëtejshme.
