Një ngjarje e rëndë ka ndodhur në Itali. Një banesë është përfshirë nga flakët dhe si pasojë kanë humbur jetën 3 fëmijë dhe nëna e tyre.
Mediat italiane raportojnë se gruaja u dërgua fillimisht në spitalin Maggiore në gjendje të rëndë, por nuk ka mundur të mbijetojë. Ngjarja ka ndodhur në Bolonja dhe shkak dyshohet të jetë bërë një qark i shkurtër i ngrohësit elektrik.
Nëna, Stefania Alexandra Nistor, ishte 32-vjeç, ndërsa fëmijët ishin binjakë, dy-vjeç, një djalë dhe një vajzë dhe një motër 6-vjeçe, me origjinë rumune.
