Gjykata e Lezhës ka lënë në burg pa afat 21-vjeçarin Endri Baçukun i cili akuzohet për plagosjen me armë zjarri të 25-vjeçarit Jurgen Ndreca.
Ngjarja ndodhi mesditën e 8 marsit në qendër të qytetit të Mamurrasit, ku sherri mes dy të rinjve degjeneroi në përdorimin e armës së zjarrit.
Në seancën e zhvilluar me dyer të mbyllura, mësohet se 21-vjeçari ka shfaqur pendese, duke deklaruar se kishte qëlluar në gjaknxehtësi e sipër pas një sherri të çastit. Por pavarësisht pretendimeve të të riut, gjykata pranoi kërkesën e prokurorisë, duke e cilësuar të ligjshëm arrestimin dhe vendosi ndaj Baçukut masën e sigurisë “Arrest në Burg”, për veprat penale ”Plagosja e rëndë me dashje” dhe “Mbajtja pa leje dhe prodhimi i armëve, armëve shpërthyese dhe i municionit”.
