Tre persona kanë sulmuar me sende të forta një 30 vjeçar, i cili ka përfunduar në spital. Ngjarja ka ndodhur në një lokal në Korçë, ndërsa 3 agresorët janë shoqëruar nga policia.
“Më datë 13.03.2024, rreth orës 17:10, në lagjen nr. 3, në një lokal, gjatë një konflikti shtetasit O. B., G. B., dhe D. B., dyshohet se kanë goditur me sende të forta shtetasin A. K., rreth 30 vjeç, banues në Tiranë, i cili ndodhet për mjekim në spitalin e Korçës.
Tre autorët e dyshuar të ngjarjes, ndodhen të shoqëruar në ambientet e Komisariatit, për veprime të mëtejshme procedurale.”– njofton policia.
Grupi hetimor po punon për sqarimin e plotë të rrethanave të ngjarjes.
