Gjykata e Lartë ka rrëzuar kërkesën e liderit të opozitës Sali Berisha për ndryshimin e masës së sigurisë.
Kështu Berisha do të vijojë të qëndrojë në “arrest shtëpie”.
Lidhur me vendimin ka reaguar edhe avokati Genc Gjokutaj. Në një deklaratë për mediat, Gjokutaj u shpreh se këtu nuk bëhet fjalë më për gjykatë, por këtu është një komisariat politik.
Gjokutaj: ‘Këtu nuk flitet më për gjykatë. Prokurorin po e citoj, tha; nuk ju jap shpjegim asnjë pyetje tuajën.
Kjo nuk flitet më për gjykatë, këta janë një komisariat politik, të cilëve u është thënë mbajeni në këtë gjendje.
Unë nuk e di se si kjo gjykatë që ka dhënë masën e arrestit në shtëpi për Sali Berishën dhe Jamarbër Malltezit, nuk u bëri një pyetje prokurorëve, të paktën të sqaronte veten.
Sepse ka shpjegime një për një se është kjo gjykatë që ka dhënë vendimin e arrestit për të dy dhe të paktën të mos kesh një kuriozitet profesional, të mos bësh një pyetje prokurorëve, më shpjegoni këtë rrethanë, këtë person, këtë ngjarje, mekanizëm, ku qëndron korrupsioni.
Mekanizmi i ngjarjes që këta pretenderojnë, korrupsionin, është organ i akuzës për ta shpjeguar deri në detaj, kush i dha kujt, kush i premtoj kujt, absolutisht asnjë element’, tha gjatë deklaratës së tij.”
