Një 25-vjeçar shqiptar është arrestuar nga Policia në Greqi, pasi akuzohet për dhunë në familje.
Mediat vendase shkruajnë se 25-vjeçari nga Shqipëria ka dhunuar me grushte e sende të forta bashkëshorten 24-vjeçare gjithashtu shqiptare brenda banesës së saj.
Ngjarja ka ndodhur mbrëmjen e kaluar, dhe mësohet se për ti shpëtuar dhunës vajza ka arritur të dalë në ballkonin e banesës dhe ka mbyllur derën. Më pas për të shmangur pasojat është hedhur nga ballkoni dhe është larguar nga zona.
Sakaq shqiptari është arrestuar nga policia dhe pritet të dalë para drejtësisë.
