Kreu i grupit parlamentar të Partisë Demokratike, Gazment Bardhi i është drejtuar ditën e sotme me një letër Gjykatës Kushtetuese përshpejtimin e shqyrtimit të ankimimit për ligjin e “Komisioneve Hetimore”.
Në kërkesë thuhet se ky ligj mbart interes të veçantë publik, pasi lidhet me kontrollin e kuvendit ndaj ekzekuzivit.
“Në kushtet kur ligji objekt shqyrtimi prek një prej të drejtave themelore që Kushtetuta e Shqipërisë i garanton deputetëve të pakicës parlamentare dhe një prej funksioneve themelore të Kuvendit, atë të kontrollit efektiv të qeverisjes, është e kuptueshme se kjo çështje mbart një interes të veçantë publik, dhe shqyrtimi i saj duhet të bëhet me përparsi, siç ka vepruar Gjykata edhe në precedentin e mëparshëm lidhur me kërkesën e 45 deputetëve të Kuvendit të Shqipërisë për shfuqizimin e vendimit nr. 126/2023 “Për disa shtesa dhe ndryshime në vendimin nr. 166, datë 16.12.2004 “Për miratimin e Rregullores së Kuvendit të Shqipërisë”, të ndryshuar”. Shqyrtimi me përparësi i kësaj çështjeje duhet të marrë në konsideratë edhe faktin se kërkesa për ngritjen e një komisioni hetimore, e cila ndodhet e depozituar tashmë në Kuvendin e Shqipërisë (shih paragrafin 39 të kërkesës), ashtu si edhe kërkesat e tjera në të ardhmen mund të kenë pasoja të drejtpërdrejta nga aplikimi i Ligjit nr. 106/2023. Po ashtu, Gjykata duhet të konsiderojë faktin se legjislatura parlamentare aktuale është në vitin e saj të fundit dhe zgjatja në kohë e shqyrtimit të kësaj kërkesë dëmton drejtpërdrejtë hetimin parlamentar” – thuhet në shkresë.
Ndër të tjera Bardhi thekson se hetimi parlamentar është jo vetëm një e drejtë e garantuar nga neni 77, pika 2, e Kushtetutës së Shqipërisë, e deputetëve të pakicës parlamentare, por edhe një prej funksioneve themelore të Kuvendit të Shqipërisë që lidhet me ushtrimin e kontrollit efektiv të qeverisjes.
Kjo kërkesë e Gazment Bardhit drejt Kushtetueses vjen në një kohë, kur në media është aluduar për negociata mes kryeparlamentares Lindita Nikolla dhe krerëver të dy grupeve më të mëdha parlamentare, Gazmet Bardhit dhe Bledi Çuçit,
Thuhet se mazhoranca do i “lëshojë” opozitës ngritjen e dy komisioneve hetimore parlamentare, por me ligjin aktual të miratuar në mënyrë të njëanshme dhe pa diskutime nga mazhoranca. Por, me këtë ligj, deputetët demokratë pritet të mos e pranojnë.
Ndryshimet e inicuara nga Partia Socialiste në ligjin për komisionet hetimore kufizojnë të drejtën e opozitës për ngritjen e tyre dhe vendosin rregulla që i japin mundësi mazhorancës të kontrollojë vendimmarrjen për mbedhjen e provave dhe thirrjen e dëshmitarëve. Po ashtu ndryshimet i japin mundësi shumicës të vendosë për mbledhje me dyer të mbyllura gjatë dëshmive në komision, me arsyetimin se publiciteti mund të dëmtojë dëshmitarët ose të dhënat që paraqiten në komision.
LETRA E BARDHIT:
