Një aksident i trefishtë ka ndodhur pasditen e sotme në Mitrovicë të Jugut. Tre makina janë përplasur me njëra-tjetrën në rrethana ende të paqarta e si pasojë janë plagosur katër persona.
Policia vendase sqaron se të plagosurit janë dërguar në spital dhe ndodhen jashtë rrezikut për jetën.
“Rreth orës 15:45, është raportuar për një aksident trafiku me lëndime i shkaktuar në rrugën ‘Ulqini’ në Mitrovicë ku janë përfshirë tri vetura.
Si pasojë e aksidentit tretman mjekësor kërkuar katër persona”, ka konfirmuar Zëdhënësi i Policisë për Rajonin e Mitrovicës së Jugut, Avni Zaiti.
