Kryeministri Edi Rama ka mbledhur sot kabinetin qeveritar dhe kryebashkiakët në Shkodër. Takimit i janë bashkuar edhe kryebashkiakë të djathtë, të ftuar nga Rama.
Hilë Curri kreu i Bashkisë së Fushë Arrëzit, i koalicionit Bashkë Fitojmë, është pjesë e takimit. Po ashtu, në ambjentet ku do të zhvillohet mbledhja, kanë mbërritur edhe Rrok Dodja, kreu i bashkisë Pukë, Fisnik Qosja, kreu i bashkisë Kavajë, si dhe kreu i bashkisë Mirditë Albert Melyshi.
Në këtë mbledhje pritet të bëhet një analizë e thelluar për punën e ministrive dhe kryebashkiakë ve. Në takimin në fjalë pritet që të bëhet një analizë e thellë financiare dhe të diskutohen edhe projektet e BE-së, shërbimet, si edhe burimet njerëzore.
Në orën 12:00, është parashikuar një tryezë e hapur me anëtarë të kabinetit qeveritar, kryebashkiakë dhe drejtues të agjencive, mbi disa tema, si shëndetësia, bujqësia, arsimi, mjedisi, siguria, infrastruktura etj.
Po ashtu mësohet se takimi do mbyllet rreth orës 17:30 me fjalën e Ramës.
