Një 24-vjeçar shqiptar është arrestuar nga Policia në Itali, pasi është kapur me drogë në banesë.
Mediat vendase shkruajnë se i riu është kapur në zonën e njohur si Crotone dhe në banesë i janë gjetur 1.5 kilogramë heroinë, si edhe pajisje dhe mjete për paketimin e lëndës narkotike.
Në përfundim të operacionit policor, autoritetet sekuestruan drogën dhe sendet e tjera, ndërsa shqiptar, emigrant i rregullt në Itali është vënë në pranga.
Ndaj tij rëndon akuza e posedimit të drogës me qëllim shitje, ndërsa do të jetë Prokuroria Publike e Crotones që do të marrë një vendim përfundimtar për të.
