Janë zbardhur detaje të reja nga hetimet që Prokuroria e Fierit po kryen mbi shpërthimin e fuqishëm në një kapanon në ndërtim në Lushnjë, ku për pasojë humbën jetën dy persona (babë e bir), si dhe mbetën të plagosur 7 të tjerë mes të cilëve dhe deputeti socialist Bujar Çela.
Burime për mediat bëjnë me dije se hetuesit kanë përjashtuar si pistë, shkakun se shpërthimi të ketë ardhur si pasojë e kontaktit të majës së hekur të vinçit me telin përcjellës të tensionit të lartë.
Nga hetimet paraprake, mësihet se ekspertët dyshojnë se shkak është bërë njëra nga dy bombolat që po transportoheshin nga vinçi që do të përdoreshin në lartësi për të kryer saldime
Kanë qenë dy bombola, njëra me oksigjen dhe tjetra me gaz argon, të cilat në kombinim të të dyjave përdoren për prerje dhe saldime në konstrukte metalike.
Për bombolën që ka shpërthyer do të verifikohet nëse ka qenë jashtë standardeve të sigurisë dhe që një keqfunksionim i saj ka sjell tragjedinë, apo ka qenë gabim njerëzor i vinçierit gjatë kohës që po e transportonte.
Gjithsesi, pista po hetohet dhe vetëm në vijim do të dilet në përfundime konkrete.
Kujtojmë se shpërthimi u regjistruar rreth orës 15:30 të pasdites së djeshme në vendin e quajtur “Rreth-rrotullimi i Plastmasit”, në një kapanon në ndërtim në qytet dhe shkak u bë një incident.
Viktimat:
Roland Hoxha
Elidon Hoxha
Të plagosurit që ndodhen aktualisht në Spitalin e Traumës:
Sokol Lumi
Deputeti i PS-së, Bujar Çela
Të plagosurit që ndodhen aktualisht në Spitalin e Lushnjes:
Sajmir Korreshi
Ilia Sota
Lunedi Golemi
Ervis Sharka
Eriget Gorovelli
