Autoritetet në Itali kanë arrestuar një 31 vjeçar shqiptar pasi akuzohet si autor i një plagosje të ndodhur në Rimini.
Mediat vendase shkruajnë se shqiptari dhe një bashkatdhetari i tij janë konfliktuar fizikisht me grushte dhe shkelma me një maroken për shkak se i ngacmoi vajzën që e shoqëronte në një klub. Më pas, 31 vjeçari e ka qëlluar me armë në këmbë.
Ngjarja ka ndodhur tetorin e kaluar por vetëm së fundmi është bërë i mundur arrestimi i tij. Shqiptari është shoqëruar për veprime të mëtejshme proceduriale.
