Një 43-vjeçar është arrestuar këtë të enjte pasi është përfshirë në aksident një ditë më parë.
Në pranga ka rënë shtetasi me iniciale R.Q, pasi pasditen e djeshme duke drejtuar motorin e tij është aksidentuar në vendin e quajtur “Rrethrrotullimi i Çermës”.
“Në vijim të informacionit të dhënë pasditen e djeshme, për një aksident rrugor në vendin e quajtur “Rrethrrotullimi i Çermës”, specialistët e Policisë Rrugore të DVP Fier kryen veprimet procedurale për arrestimin në flagrancë të drejtuesit të motomjetit që doli nga rruga, shtetasit R. Q., 43 vjeç, banues në Lushnjë. Ai aktualisht po merr ndihmë mjekësore dhe është jashtë rrezikut për jetën”,- njofton Policia.
