Fundjavën që lamë pas u zhvillua Kampionati Ballkanik i Karatesë në Malin e Zi. Garuesja e Kosovës, Alma Loki arriti të shkëlqente duke fituar një medalje ari dhe la pas serben, Neda Milosevic dhe turken, Menekse Vardar.
Në ceremoninë tradicionale të ndarjes së medaljeve, flamuri i Kosovës u ngrit mbi të tjerët si zakonisht duke simbolizuar fitimtarin. Kjo ka sjellë ‘tërbimin’ e medieve në Serbi të cilët e konsiderojnë një turp këtë gjest.
“Pse nuk e ndaloni këtë turp vëllezër malazez? Flamuri i Serbisë dhe ai i shtetit fallso të Kosovës krah njëri-tjetrit?”- shkruante media anti-shqiptare SD.rs.
