Një 45-vjeçar është arrestuar nga Policia në Korçë, pasi është kapur duke drejtuar mjetin në gjendje të dehur.
Blutë bëjnë me dije se në pranga ka rënë shtetasi me iniciale E.A, i cili nuk i është bindur urdhërit të policisë për të ndaluar dhe pas verifikimeve ka rezultuar se ishte duke drejtuar mjetin në gjendje të dehur.
“Specialistët për Hetimin e Krimeve të Komisariatit të Policisë Maliq arrestuan në flagrancë shtetasin E. A., 45 vjeç, banues në fshatin Bulgarec, Korçë, pasi në vendin e quajtur “Tyrbja e Gocës”, Maliq, nuk i është bindur urdhrit të punonjësve të Policisë, për të ndaluar automjetin tip “Mitsubishi”, të cilin pas verifikimeve të kryera, rezultoi se e drejtonte në gjendje të dehur”,– njofton Policia.
