Egnatia ka regjistruar ndeshjen e katërt radhazi pa fitore në kampionat, teksa është ndalur në barazim pa gola përballë Teutës.
Ka qenë një barazim i cili ka lënë shije të hidhur te rrogozhinasit, të cilët kanë parë t’u anulohet goli i fitores në minutat shtesë të ndeshjes për një pozicion jashtë loje, ashtu siç u kishte ndodhur edhe në pjesën e parë të takimit.
Pas një aksioni të shpejtë të Drame, ky i fundit nga e djathta pason në qendër për Zhoel i cili nuk gabon duke çuar topin në rrjetë. Por më pas gjyqtari sinjalizohet nga VAR për pozicion jashtë loje të Drame.
Kështu, rrogozhinasit rrezikojnë të shohin distancën me ndjekësit që t’u shkurtohet. Ndërsa nga ana tjetër, Teuta merr një pikë me shumë vlera në luftën e saj për mbijetesën në elitën e futbollit shqiptar.
