Një tjetër rast i shantazhimit përmes rrjeteve sociale është zbuluar në Tiranë.
Një 22 vjeçar i njohur me nofkën “Roterdami”, merrte foto të vajzave dhe grave në rrjete sociale, i publikonte me profile false dhe denigronte figurën e tyre me fjalë fyese dhe ofenduese. Mësohet se për fshirjen e këtyre postimieve i riu kërkonte në këmbim shuma parash që shkonin deri në 1000 €.
Blutë bëjnë me dije se 22 vjeçari, Endri Xhaferri, është arrestuar për veprime të mëtejshme proceduriale.
“U ndalua shtetasi E. Xh., 22 vjeç, banues në Tiranë.
Nga veprimet hetimore të kryera ka rezultuar se ky shtetas merrte fotografi dhe video të personave të ndryshëm në rrjete sociale, të cilat i publikonte në profile false, me shprehje fyese dhe denigruese. Për fshirjen e këtyre postimeve, 22-vjeçari, kërkonte në këmbim shuma parash, që shkonin deri në 1000 €.
Po nga verifikimet e kryera ka rezultuar se ky shtetas, është autor i disa ngjarjeve të kësaj natyre kriminale, me të dëmtuar që jetojnë brenda dhe jashtë Shqipërisë. Gjatë hetimeve është dokumentuar edhe një ngjarje e vjetër nga Sektori për Hetimin e Krimeve Kibernetike.
Po nga verifikimet e kryera ka rezultuar se ky shtetas, është autor i disa ngjarjeve të kësaj natyre kriminale, me të dëmtuar që jetojnë brenda dhe jashtë Shqipërisë. Gjatë hetimeve është dokumentuar edhe një ngjarje e vjetër nga Sektori për Hetimin e Krimeve Kibernetike”,- bën me dije policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
