Dy persona janë arrestuar ditën e sotme nga Policia në Fier, pasi akuzohen për dhunë në familje.
Policia bën me dije se në pranga ka rënë një 46-vjeçar i cili ishte në kërkim për dhunë ndaj bashkëshortes së tij, dhe një 51-vjeçar i cili u kap në flagrancë duke dhunuar gruan.
“Specialistët për Hetimin e Krimeve të Stacionit të Policisë Patos ndaluan shtetasin e shpallur në kërkim E. T., 46 vjeç banues në Patos, pasi ka ushtruar dhunë ndaj bashkëshortes së tij.
Specialistët për Hetimin e Krimeve të Stacionit të Policisë Roskovec arrestuan në flagrancë shtetasin A. A., 51 vjeç, banues në fshatin Velmish, pasi ka ushtruar dhunë ndaj bashkëshortes së tij, e cila u pajis me urdhër mbrojtjeje”, thuhet në njoftimin e policisë.
