Dy furgonë të parkuara në lagjen “Emin Matraxhiu” në Elbasan janë djegur pjesërisht, mëngjesin e sotëm.
“Në orët e para të mëngjesit të sotëm, ka rënë zjarr dhe janë djegur pjesërisht 2 automjete (furgonë), në pronësi të shtetasit T. K., të cilat kanë qenë të parkuara në rrugë, në lagjen “Emin Matraxhiu”. Grupi hetimor po punon për përcaktimin e shkakut të rënies së zjarrit dhe zbardhjen e rrethanave të rastit”, njoftoi policia.
