Grupi B i Kategorisë së Dytë zhvilloi këtë të shtunë javën e 12-të. Në stadiumin e Maliqit vendasit u mposhtën 0-2 nga Pogradeci.
Golat për liqenorët u shënuan në pjesën e dytë nga Nallbati dhe Sulka. Pas humbjes, Maliqi ka akuzuar arbitrat për padrejtësi në këtë 90 minutësh.
Dy penallti kundër dhe kartoni i kuq për portierin Dramolli kanë bërë që Maliqi ta quajë kamikaz arbitrin Mikele Dyrmishi.
“Dy penallti kundër dhe karton i kuq për portierin Dramolli! Jemi të shtangur! Kamikazi Mikele Dyrmishi, sapo baltosi gjithë futbollin shqiptar me këto vendime të turpshme”, shkruan Maliqi.
Pas javës së 12-të, AF Luftëtari prin tabelën me 31 pikë, një pikë më shumë se Pogradeci ndjekës.
Kategoria e Dytë, java 12-të:
Maliqi 0-2 Pogradeci
Sopoti 2-0 Grmashi
Tërbuni 0-1 Valbona
Besëlidhja 0-0 Iliria
Murlani 3-2 Naftëtari
Veleçiku – Albanët nuk është zhvilluar
