Kryetari i PL, Ilir Meta, teksa ka marrë pjesë në Samitin Ekonomik për Euroazinë në Stamboll, i është përgjigjur ndërhyrjes së ish-Presidentit serb, Boris Tadiç për Kosovën dhe i ka bërë thirrje Serbisë të njohë pavarësinë e Republikës së Kosovës.
Meta theksoi se ”pavarësia e Republikës së Kosovës ka forcuar stabilitetin e rajonit tonë dhe ka ndikuar për integrimin euroatlantik të fqinjëve të saj”.
Meta ka theksuar gjithashtu se “edhe pse është shteti më i ri i rajonit tonë, Kosova është shembull për vendet tona për zgjedhjet e lira dhe demokracinë funksionale, dhe po kështu për transparencën dhe llogaridhënien sipas organizatave ndërkombëtare më prestigjioze”.
