Tre shtetas janë proceduar ditën e sotme në Gjirokastër, të akuzuar për vepra të ndryshme penale.
Policia bën me dije se procedimi ka nisur për një 39-vjeçar pasi ka dhunuar psikologjikisht nënën e tij, për një 23-vjeçar pasi nuk i është bindur urdhërit të policisë, dhe p%r shytetasin me iniciale F.P, pasi ka dhunuar për arsye pronësie fqinjin e tij.
“Specialistët për Hetimin e Krimeve të Komisariatit të Policisë Gjirokastër referuan materialet në Prokurori, ku nisi procedimi në gjendje të lirë për shtetasin N. Zh., 39 vjeç, banues në Gjirokastër, pasi dyshohet se ka ushtruar dhunë psikologjike ndaj nënës së tij.
Specialistët për Hetimin e Krimeve të Komisariatit të Policisë Tepelenë referuan materialet në Prokurori, ku nisi procedimi në gjendje të lirë për shtetasin A. H., 23 vjeç, banues në Sarandë, pasi nuk i është bindur urdhrit të punonjësve të Policisë, për të ndaluar automjetin që drejtonte, me qëllim kryerjen e kontrolleve.
Specialistët për Hetimin e Krimeve të Komisariatit të Policisë Përmet referuan materialet në Prokurori, ku nisi procedimi në gjendje të lirë për shtetasin F. P., banues në fshatin Kosinë, pasi dyshohet se për shkak të konfliktit për motive pronësie, ka dëmtuar murin rrethues të banesës së shtetasit Th. P.”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
