Teksa këtë pasdite, opozita ka thirrur një protestë kombëtare, kryeministri Edi Rama është larguar nga vendi.
Raportohet se ai do të zhvillojë një vizitë zyrtare në Turqi, me ftesë të presidentit Rexhep Tahip Erdogan.
Sipas Presidencës turke, në kuadër të kësaj vizite, në Ankara do të mbahet takimi i parë i Këshillit të Bashkëpunimit të Nivelit të Lartë Shqipëri-Turqi nën drejtimin e Erdoganit dhe Ramës, raporton “Anadolu”- agjencia shtetërore turke e lajmeve.
“Në këtë mbledhje do të diskutohen aspektet e marrëdhënies mes Shqipërisë dhe Turqisë si dhe hapat që do të ndërmerren për thellimin e mëtejshëm të bashkëpunimit dypalësh. Rama dhe Erdogan do të diskutojnë edhe për zhvillimet në rajonin e Ballkanit dhe në arenën ndërkombëtare, si dy vende anëtare të NATO-s. Në takimin dypalësh pritet të nënshkruhen edhe disa marrëveshje”, thuhet më tej në raportim.
