“Charles McGonigal loboi për të shpallur non grata Sali Berishën dhe se në dosjen e tij, kryeministri Edi Rama rezulton edhe korruptues edhe i korruptuar.”
Kështu u shpreh sekretari i Përgjithshëm i PD-së, FLamur Noka në fjalimin e mbajtur para qindra mijëra demokratëve në protestën e sotme të opozitës.
Flamur Noka shtoi më tej se Rama është i trishtuar sepse nuk ia doli dot të shkatërronte opozitën, për ëndrrën për mbretërim. Sipas tij, ai shesh do të caktojë fundin e kreut të qeverisë.
“Kjo ditë do të mbahet mend gjatë. Jemi të bindur se ky moment do të hyjë në histori me këtë vërshim madhështor, i cili ka si qëllim të ndërpresë, projektin më të errët, skenarin më të zi që i është kanosur vendit në këto 33 vite, planin ogurzi të Edi Ramës kundër pluralizmit.
Një person që qeveris prej 11 vitesh, që ka kapur të gjitha pushtetet, që blen votat, që ndanë pasuritë e vendit, që është në krye të çdo afere, që u jep miliona euro familjarëve, që udhëton si sheik me avion nga taksat tuaja, që bën një kopsht këtu 4 milionë euro. I bën thjesht jo për ju por për tekat personale. Sot me këtë vërshim madhështor, ky person është i vetmi që është i trishtuar sepse nuk ia doli dot të shkatërronte opozitën, ëndrrës për mbretërim.
Ne kemi një mision, misioni është ta çojmë aty ku e ka vendin dhe vendi i tij është para drejtësisë. Vendin do t’ja caktojë populli. Ky është populli që do ti bëjë gjyqin Ramës. Jemi këtu për ti thënë Ramës se atë përfundim do kesh, si ndëshkim që do të japë populli që ti e shkele me këmbë
Ne jemi këtu për ti thënë se ky shesh do të paracaktojë fundin tënd. Këta njerëz dhe ky shesh janë dëshmitare që ti Rama jo vetëm do humbësh privilegjet dhe zyrës, por për ty do të nisë një periudhë e keqe e rëndë, e papërballueshme, sepse ti Edi Rama do të japësh llogari për cdo cent që ju ke vjedhur qytetarëve.
Sot ne këtë shesh ne jemi për ti thënë se pushteti nuk është i askujt, por i njerëzve. Ndaj asnjë institucion që ti kontrollon nuk mund të dalë mbi pushtetin e njerëzve.
Sot jemi të bashkuar, sic e keni kërkuar ju prej kohësh. Sot është themeluar një rezistence e pathyeshme, kjo është pranvera shqiptare, Ne nuk ndalemi derisa ti sigurojmë vendin tonë votën e lirë, zgjedhje të lira dhe të ndershme. Asgjë nuk na ndal në këtë rrugë. Ju jeni pushteti, ju do ti jepni rrugë Shqipërisë”, tha ndër të tjera Flamur Noka.
